La editorial La Cruz de Grau y Xareos! Xestión Cultural tán acabante asoleyar el númberu 4 de la revista de lliteratura Formientu, una publicación que busca espublizar la obra de los autores más mozos de la lliteratura asturiana, dando a conocer a les nueves promeses de les nueses lletres.
Nel númberu cuatro vuelven a asoleyase les voces de munchos de los mozos escritores que yá vienen collaborando nel pasáu con Formientu, como Verónica Canel, Xaime Menéndez Llope, Héctor Pérez Iglesias, Ricardo Candás, Benxa Pérez, Elizabeth Felgueroso y Jorge Fernández García. Pero al mesmu tiempu síguense abriendo nueves siendes lliteraries con voces nueves nesta revista como les de Xurde Fernández, Inacio Rodríguez-Solar o Berto García, y con otres inédites dafechu, como les de Laura Marcos Domínguez, Javier Cayado, Celia Fernández Loredo o Fran Melero «Frantxu».
Formientu ñació nel añu 2006 dirixida por Inaciu Galán y embaxo la edición de Xareos! y dende entós vien espublizándose con regularidá, axuntando a los escritores más mozos del panorama asturianu d’anguaño. En 2008 Ediciones La Cruz de Grau asumió la xestión editorial de Formientu.
La presentación del númberu cuatro tuvo llugar el sábadu, 3 de xineru, a les cinco la tarde nel I Salón del Llibru Asturianu de Grau y en breves feches seguirá rumbo por otros llugares de Asturies.
2 comentarios:
I would be fascinating to attend such a presentation, and in such a beautiful Salon. (I just happened on your blog and had to comment.) I apologize that I'm writing this in English, but I fear my grasp of Spanish and Portugese is only enough to barely read and understand, and not to write. Happy New Year!
hola
estaba interesada en escribir un libro y publicarlo. sería osbre temas laborales entre los jóvenes asturianos, mitos sobr ese tema,...
quería saber cómo es el proceso de publicación en vuestra editorial, cuánto se cobra y si teneis idea de cómo va el tema de las subvenciones dle principado para la creación literaria, pensaba pedir una para escirbirlo y no sé si ese dinero debería ir destinado apagar la publicación ni cuento se suele pedir
amartegijon@hotmail.com
Publicar un comentario